Azərbaycan, Bakı, 24 sentyabr /Trend, müxbir A.Axundov/
ARDNŞ (Azərbaycan Respublikası Dövlət Neft Şirkəti) 2013-cü il üçün investisiya fəaliyyətinin əsas istiqamətlərini açıqlayıb.
"2013-cü ildə neft və qaz hasilatı ilə bağlı infrastrukturun, Türkiyədə və Azərbaycandakı neft emalı zavodlarının, gəmiqayırma zavodunun, TANAP tikintisinin, eləcə də xaricdə YDM-in investisiyalaşdırılması əsas istiqamətlər olacaq", - bazar ertəsi Trend-ə şirkət prezidentinin maliyyə məsələləri üzrə müavini Süleyman Qasımov bildirib.
Onun sözlərinə görə, şirkətin gələn il daxili investisiyaları təxminən bir milyard dollar səviyyəsində olacaq.
"Daxili işlər, qazma, infrastrukturun, estakadaların, platformaların tikintisi və başqa daxili aktivlər bir milyard dollara yaxın məbləğdə sərmayələrin qoyulmasını tələb edir", - Qasımov deyib.
Onun sözlərinə görə, xaricdə ehtimal edilən investisiyaların dəqiq həcmi hələ məlum deyil.
"Hələlik biz dəqiq rəqəmlər göstərə bilmərik. Bu, Türkiyədə "Star" NEZ-in, Trans Anadolu qaz kəmərinin (TANAP) tikintisinin və başqa layihələrin inkişafından asılıdır", - Qasımov bildirib.
