...

Nazir müavini: TANAP-ın gücü qaz tədarükü mənbələrini şaxələndirməyə imkan verəcək

Energetika Materials 4 İyun 2014 19:13

Trend-i buradan izləyin

Azərbaycan, Bakı, 4 iyun /Trend, müxbir E.İsmayılov/

Trans-Anadolu qaz kəmərinin (TANAP) böyük gücü olacaq və Azərbaycan qazı ilə yanaşı, perspektivdə onun vasitəsilə Türkmənistan və digər ölkələrdən qaz nəql edilə bilər. Trend-in məlumatına görə, bunu çərşənbə günü jurnalistlərə Türkiyənin enerji və təbii sərvətlər nazirinin müavini Mətin Kılçı deyib.

Onun sözlərinə görə, TANAP-ın gücü zamanla boru kəməri vasitəsilə Azərbaycan qazı ilə yanaşı, Türkmənistan və digər ölkələrdən qaz nəql etməyə imkan verəcək: "Biz buna layihənin uğurla icrasının başa çatmasından sonra əmin olacağıq".

Nazir müavini Türkiyə şirkətlərinin Azərbaycanın "Şahdəniz" qaz-kondensat yatağının işlənməsi və TANAP layihələrində paylarının artması ilə bağlı məmnunluğunu ifadə edib.

Trans-Anadolu qaz kəməri layihəsində Türkiyənin payının daha da artırılması imkanına gəlincə, M.Kılçı qeyd edib ki, zərurət yaranarsa, o cümlədən layihənin inkişafı üçün müxtəlif variantlara baxıla bilər: "Türkiyə Azərbaycanın karbohidrogen ehtiyatlarının işlənməsində iştirakını artırmağa maraq göstərir".

Məqalədə:
Xəbər lenti

Xəbər lenti