Azərbaycan, Bakı, 1 sentyabr /Trend, müxbir Emil İsmayılov/
2014-cü ilin yanvar-avqust aylarında Xəzər Boru Kəməri Konsorsiumunun (XBKK) səhmdarları "Yujnaya Ozereyka-2" terminalında CPC Blend növlü təqribən 26,08 milyon tona yaxın neft yükləyib. Ötən ilin analoji dövründə bu göstərici 21,65 milyon ton olub. Bu barədə Trend XBKK-nın saytına istinadən məlumat verir.
Həmçinin avqustda terminalda 2,93 milyon ton neft yüklənilib. 2013-cü ilin analoji dövründə bu göstərici 2,49 milyon ton olub.
2013-cü il ümumilikdə "Yujnaya Ozereyka-2" terminalından CPC Blend növlü 32,7 milyon ton neft yüklənib. 2012-ci ildə bu rəqəm təqribən 30,6 milyon tona bərabər olub.
Həcmlərin nəql və yüklənməsini (qoşulma ardıcıllığı ilə) həyata keçirən XBKK yükgöndərənləri aşağıdakılardır:
- "Tengizşevroyl" - bağlanmış müqavilələrdən birincisi - tədarük olunan həcmlər sisteminin əsas yüklənməsini təmin edir;
- "Arman" - XBKK səhmdarı "Oryx Caspian Pipeline LLC"nin affilə edilmiş yükgöndərəni. Hazırda "Şell"in mülkiyyətindədir;
- "EmbaMunayQaz" və "Qazaxoyl-Aktobe" - XBKK səhmdarı "Kazakhstan Pipeline Ventures LLC"nin affilə edilmiş yükgöndərəni;
- "CNPC-AktobeMunayQaz" - Qazaxıstan hökumətinin giriş hüquqlarından yararlanaraq, terminalda həcmlərin nəql və yüklənməsini həyata keçirir;
- "Litasko" - XBKK səhmdarı LUKARKO B.V. şirkətinin affilə edilmiş yükgöndərəni;
- "Qaraçaqanak Petroleum Opereytinq B.V." - "Tengizşevroyl"dan sonra neft nəqli həcmləri üzrə ikinci yükgöndərən. XBKK-nın bir çox səhmdarları yanında affilə edilib;
- "NaftaTrans" QSC və onunla affilə edilmiş şirkətlər - Rusiya Federasiyasının giriş hüquqlarına əsasən, rus istehsalçılarının neftini XBKK-ya tədarük etmək səlahiyyətindədir.
