Bakı. Trend:
"Azeri Light" yüngül neftinin hasil edildiyi Azərbaycanın "Azəri-Çıraq-Günəşli" neft blokunun işlənməsinə bu günədək 41 milyard dollardan artıq sərmayə qoyulub.
Trend-in məlumatına görə, bunu SOCAR prezidenti Rövnəq Abdullayev Bakıda keçirilən "Caspian Oil & Gas-2016" konfransında deyib.
Onun sözlərinə görə, 2024-cü ilədək blokdan daha 5 milyard barel neft hasil olunacaq: "Blokun bundan sonra işlənməsi çərçivəsində sərmayə və yeni texnologiyaların cəlb edilməsi sayəsində daha 4 milyard barel neftin hasil edilməsi planlaşdırılır".