Rusiyanın LUKOILşirkəti Xəzərin Azərbaycan sektorunda"Yalama" (D-222 bloku) perspektiv strukturundakı ilk kəşfiyyat quyusunda işləri müvəqqəti dayandırıb. Bu barədə Trend ə20 % -lik payla layihənin iştirakçısı olan AR DNŞ-dən məlumat veriblər. İşlərin dayandırıldığı anda quyunun dərinliyi 4478 metr təşkil edib ki, bu da layihədə təklif olunan dərinlikdən 45 metr azdır.
AR DNŞ qeyd edib ki, quyularda qazma işlərini həyata keçirən "Heydər Əliyev adına" qurğu(keçmiş LIDER) artıq LUKOILtərəfindən icarəyə götürülüb. Gələn ay qurğunun Xəzərin Türkmənistan sektorunda Maersk Oil-un sifarişi ilə "Qaradaşlıq" sahəsindəkəşfiyyat quyusu qazacağı ehtimal edilir.
"Qaradaşlıq" sahəsi 11-12-ci dəniz bloklarının tərkibinə daxildir. 11-12 dəniz blokuTürkmənistan hökumətinin lisenziyası əsasında Maersk Oil (100%) şirkəti tərəfindən işlənir. Quyunun layihə dərinliyi 5000 metrdir.
D-222 ilk kəşfiyyat quyusunda qazma işləri 7,5 aya yaxın davam edir. Bu müddətdə LUKOIL "Heydər Əliyev adınaa qazma qurğusundan istifadə üzrə razılaşmanın iştirakçısı olan Chevron Overseas Petroleum Azerbaijan LTDşirkətindən alınan qazma günlərindən (219 gün) tamamilə istifadə edib.