Azərbaycan Beynəlxalq Əməliyyat Şirkəti (ABƏŞ) "Azəri-Çıraq-Günəşli" yatağının işlənib hazırlanması layihəsi çərçivəsində "Azəri" yatağının müəyyən edilmiş mərkəzi hissəsində neft və səmt qazının hasilatını müvəqqəti olaraq azaldıb. Bu barədə Trend ə BP Azerbaijan ("AÇG" layihəsinin operatoru) şirkətindən məlumat verilib.
Yataqda hasilat sutkada 240-250 min bareldən 170 min barelədək azaldılıb. Buna səbəb şirkətin Səngəçal neft terminalında neft təmizləyən iki qızdırıcı qurğunun ərpini təmizləmək üçün onların plana əsasən dayandırılmasıdır. İşlər yanvarın 31-dək davam edəcək. Yalnız bundan sonra hasilat əvvəlki rejimdə bərpa olunacaq.