Salyan Oil əməliyyat şirkətinin "Kürsəngi-Qarabağlı" müqavilə sahəsində kəşfiyyat quyusunda qazma işləri mürəkkəb geloji şəarit üzündən yavaş irəliləyir. Lakin yaxın vaxtlarda qazma işləri başa çatdırılacaq. Bu barədə Trend ə Dövlət Neft Şirkətindən məlumat verilib. Bundan əvvlə ARDNŞ əməliyyat şirkətinin kəşfiyyat quyusunu qazılması üzrə götürdlüyü öhdəliklərin müddətini uzatmışdı. Həmin müddət 2005-ci ilin mayında başa çatsa da, bu vaxt bir neçə ay geri çəkilib.
Hazırda əməliyyat şirkəti kəşfiyyat quyusunun qazılmasını davam etdirir. Şirkətdən verilən məlumata görə, qazma işlərinin gedişində 13 lay keçilib və bu, müqavilədə kəşfiyyat quyusunun qazılması üzrə öhdəlik kimi qeyd edilmişdi. Beləliklə, quyu faktiki olaraq ARDNŞ-in əməliyyat şirkətinin qarşısında qoyduğu öhdəliyi yerinə yetirməsi kimi hesaba alınıb.
2006-cı ildə müqavilə sahəsində 8 quyunun qazılacağı ehtimal olunur. Quyulardan dördü istismar, ikisi laya suyun vurulması üçün, biri kəşfiyyat və biri qiymətləndirmə quyusu olacaq. Tələb olunan investisiyaların həcmi $50 mlna yaxın təşkil edir. Qazma işləri Çinin qazma podratçısı Great Wall tərəfindən həyata keçiriləcək.
