...

Abbas Abbasov: 25 mln ton Qazaxıstan neftinin Azərbaycan ərazisindən Ceyhana nəqli məsələsi həll olunub

Energetika Materials 1 May 2006 11:09 (UTC +04:00)

7-10 gün ərzində Qazaxıstan neftinin Xəzər dənizi və Azərbaycan ərazisindən Bakı-Tiflis-Ceyhan kəməri ilə nəqlinə yardım və dəstəyə dair hər iki ölkə arasında Sazişin layihəsi üzərində iş başa çatacaq. Bu barədə jurnalistlərə baş nazirin birinci müavini Abbas Abbasov məlumat verib. Onun sözlərinə görə, artıq 25 mln ton Qazxıstan neftinin Azərbaycan ərazisindən Ceyhana nəqli ilə bağlı məsələ müzakirə edilib və öz həllini tapıb.

Mayın ortalarında saziş tamamilə hazır olacaq. Bu saziş dövlət başçıları tərəfindən imzalanacaq. "Bu sənəd Azərbaycanın iqtisadiyyatı və hər iki ölkə arasında əlaqələrin inkişafı üçün çox mühüm əhəmiyyət kəsb edir. Qazaxıstan neftinin nəqlindən Azərbaycancanın da böyük gəlir əldə edəcəyi, ölkə əhalitsinin sosial təminatının yaxşılaşması gözlənilir", - deyə A.Abbasov qeyd edib.

Qazaxıstanın energetika və mineral ehtiyatlar naziri Baktıkoja İzmuhambetov bildirib ki, hazırda Aktau limanında Azərbaycana ixrac və və tranzit yüklərin boşaldılıb-yüklənməsi üçün hər cür şərait yaradılıb. Aktau limanının fəaliyyətinin prioritet istiqamətlərindən biri də Xəzər dənizi limanları ilə bərə nəqliyyatının inkiş etdirilməsidir.

Aktau limanından keçən multimodal nəqliyyat dəhlizləri Azərbaycan və Gürcüstan ərazisindən yeni tranzit yük axınlarını cəlb etməyə imkan verir". - deyə nazir qeyd edib.

Xəbər lenti

Xəbər lenti