2006-cı ilin yanvar-iyun aylarında Azərbaycanın Dövlət Neft Şirkəti (ARDNŞ) müstəqil surətdə işlənən yataqlardan 125,56 min ton kondensat hasil edib və bu 2005-ci ilin analoji dövründən 28,4% çoxdur. Bu barədə Trend ə ARDNŞ-dən xəbər veriblər.
"28 May" neftqazçıxarma idarəsindən (NQÇİ) ilin birinci yarısında 100,12 min ton kondensat hasil edilib, bu isə 2005-ci ilin yanvar-iyun aylarına nisbətən 40% çoxdur. N.Nərimanov adına NQÇİ-də 17,3 min ton kondensat (ötən ildəkindən 2,3% az), "Qum Adası" NQÇİ-dən -2,67 min ton (5,8% çox), "Bulla Dəniz" NQÇİ-dən - 5,47 min ton (9,8% az) kondensat hasil edilib.
