Azərbaycan Beynəlxalq Əməliyyat Şirkəti (ABƏŞ) Azərbaycan Dövlət Neft Şirkətinə 2007-ci ilin yanvar ayında Bakı-Supsa boru kəməri ilə neft nəqli üçün sifariş verməyib. Bu barədə çərşənbə axşamı ARDNŞ Trend ə məlumat verib.
"Yanvar ayında boru kəməri ilə nəql həyata keçirilə bilər, lakin hazırda nəql nəzərdə tutulmayıb", - deyə ARDNŞ-dən bildirilib.
Əvvəl ABƏŞ-in operatoru BP Azerbaijan şirkəti Bakı-Supsa kəmərində təmir işlərinə başlayıb. İşlər borunun 150 kilometrlik hissəsində Gürcüstan ərazisində aparılır.
"Çıraq" yatağında hasil olunan və Bakı-Supsa boru kəməri ilə nəql olunan neft həcmi Bakı-Novorossiysk şimal boru kəməri marşrutuna və dəmir yoluna istiqamətləndirilib. Əgər "Azəri"-"Çıraq"-"Günəşli" yatağının işlənməsi üzrə tərəfdaşlar Supsadan Azeri Light markalı neft alırdılarsa, Novorossiyskdən onlar Urals markalı neft alacaqlar.
Yanvar-noyabr aylarında Bakı-Supsa boru kəməri ilə 5,61 mln. ton neft ixrac olunub, 2005-ci ilin yanvar-noyabr aylarında isə bu göstərici 6,34 mln. ton olub. Noyabr ayında Bakı-Supsa boru kəməri ilə neft ixrac olunmayıb.
