Azərbaycan, Bakı, 18 iyun / Trend / Yanvar-apreldə Azərbaycanda IT məhsullarının istehsalı və bu sahədə göstərilən xidmət göstəriciləri, 44,8 faiz artımla, 289,6 mln. manata çatıb. Bu barədə Azərbaycan Dövlət Statistika Komitəsi məlumat verib.
İnformasiyaların hazırlanması üçün elektron-hesablama maşınları və digər avadanlığın istehsalı 3,8 dəfə, ötürücü cihazlar - 2,8 dəfə, nəzarət-ölçü cihaları 2,7 dəfə, nəzarət aparatlarının quraşdırılması və texnoloji proseslərin tənzimlənməsi - 2,6, elektrik məişət avadanlığının və radio-televiziya aparatlarının topdan satışı - 2,3 dəfə, kompüter, proqram təminatı (BM) - 2,3 dəfə, məsləhət sahəsi və BM-in göndərilməsi - 2,3 dəfə, elektrik rabitəsi - 42 faif, radioelementlərin istehsalı - 2,5 dəfə artıb.
Yanvar-apreldə bu sahədə 347,1 manat aylıq orta əmək haqqı ilə 20,8 min nəfər məşğul olub, bu da ötən ilin anoloji dövr göstəricisi ilə müqayisədə 28,8 faiz çoxdur.
