Azərbaycan, Bakı, 28 iyul/ Trend , müxbir S.Babayeva/ Payızda Azərpoçt ("Azərbaycan poçtu") Dövlət Müəssisəsində Dünya Bankı ilə birgə reallaşdırılan "Maliyyə xidmətlərinin inkişafı"layihəsi çərçivəsində maliyyə xidmətlərinin tətbiqi üzrə işlərin aparılmasına başlanılacaq, - bazar ertəsi Azərpoçt-dan bildiriblər.
Azərpoçt DM-i HP, Colvir və Sinam konsorsiumun qalibi olduğu poçt-maliyyə avtomatlaşdırılmış sistemin alışı üzrə tender elan edib.
Bu sistem layihənin əsas "özəyi"olmaqla, həm maliyyə, həm də poçt məsələləri üzrə özündə çoxsaylı modulları birləşdirir. O, maliyyə modullarından - ödəmə, depozit, xəzinədarlıq, aktiv və passivlərin idarə edilməsi, satışın idarə edilməsi, idarəetmənin informasiya sistemi, avtomatlaşdırılmış mühasibat kitabından ibarətdir.
Dövlət strukturundan bildiriblər ki, avqustun əvvəlində ikinci - cari ilin noyabrında başa çatdırılması planlaşdırılan pul köçürmələrinin modul layihəsinin tətbiqinə başlanılacaq. Sonradan növbəti mərhələdə üçüncü - bütün poçt xidmətlərinin avtomatlaşdırılması modulu tətbiq ediləcək.
Qalan - xəzinədarlıq, depozit və aktiv və passivlərin idarə edilməsi üzrə olan modullar 2009-cu ilin payına düşür.
Əsas komponenti ölkə poçt şəbəkəsinin modernləşdirilməsindən ibarət olan "Maliyyə xidmətlərinin inkişafı"layihəsinin dəyəri $17,5 mln. təşkil edir. Bunun $12,25 mln. DB ayıracaq, yerdə qalan məbləğ isə Azərbaycan hökumətinin payına düşəcək.