Azərbaycan, Bakı, 24 dekabr/ Trend , müxbirlər S.Babayeva, N.İsmayılova/ "Azərbaycanda İnternet istifadəçilərinin sayı 1,5 mln. nəfər təşkil edir", - ölkənin rabitə və informasiya texnologiyaları naziri Əli Abbasov çərşənbə günü Bakıda "2008 - ci ilin prezident seçkiləri: yeni inkişaf perspektivləri" konfransında bildirib.
"2007- 2008 - ci illərdə Azərbaycanda İnternet-resursların və virtual məkanın həcmi 20 dəfə, bu sahənin iqtisadi potensialı 4,5 dəfə artıb", - idarə rəhbəri vurğulayıb.
Onun sözlərinə görə, rabitə və informasiya texnologiyaları sektorunun illik artımı 33-35 faiz təşkil edir.
Lakin bu sahənin böyük artım rəqəmlərinə baxmayaraq, onun ÜDM-in strukturundakı payı böyük deyil (Dövlət Statistika Komitəsinin məlumatına görə, yanvar-noyabrda 1,6 faiz) və başlıca məqsədimiz gələcəkdə bu göstəricinin artırılmasıdır, - Abbasov deyib.
"Azərbaycanda "Hər 100 ailəyə 100 telefon" və "Xalq kompüteri" kimi sosial yönümlü layihələri reallaşdıraraq, müasir İT infrastrukturu yaratmaq planlaşdırılır", - nazir vurğulayıb.
Müəlliflə əlaqə saxlamaq üçün elektron ünvan: [email protected]