Azərbaycan, Bakı, 28 yanvar / Trend , müxbir S.Babayeva/
"Yaxın zamanlarda Azərbaycanda mobil rabitə tarifləri aşağı salına bilər", - ölkənin rabitə və informasiya texnologiyaları nazirinin müavini İltimas Məmmədov deyib
Onun sözlərinə görə, "bu, operatorlararası qarşılıqlı hesablaşma dəyərinin azalması nəticəsində mümkün ola bilər".
Ötən həftə Azərbaycan Rabitə Nazirliyinin kollegiyası operatorlar arasında qarşılıqlı hesablaşma dəyərini 0,05 manatdan 0,02 manatadək azaltmaq haqda qərar qəbul edib. Bu da son istehlakçıların bir dəqiqəyə görə ödədiyi məbləğə təsir edə bilər.
"Artıq kollegiyanın qərarı operatorlara çatdırılıb. Biz qısa müddətdə, göstərilən xidmətlərin keyfiyyətinin saxlanılması şərtilə, tariflərin aşağı salınmasını gözləyirik", - nazir müavini bildirib.
Azərbaycanda üç GSM operatoru fəaliyyət göstərir: Azercell Telecom, Bakcell və Azerfon. Ölkədə mobil rabitədən istifadə edən əhalinin ümumi sayı təxminən 6 milyon nəfər təşkil edir.
Məqalə müəllifi ilə əlaqə ünvanı: [email protected]
