Azərbaycan, Bakı, 09 iyun / Trend , müxbir S.Babayeva /
Koreyanın poçt administrasiyasının Kim Kee-Deokun başçlıq etdiyi nümayəndə heyəti Bakıda səfərdədir. Bu barədə Azərbaycanın Rabitə və İnformasiya Nazirliyindən çərşənbə axşamı bildirilib.
"Görüş çərçivəsində onlar bugün günün ikinci yarısında Rabitə Nazirliyinin rəhbərliyi ilə görüşəcəklər. Hər iki tərəfin müvafiq strukturları arasında poçt xidmətinin inkişafı sahəsində qarşılıqlı anlaşma haqqında memorandumun imzalanması da istisna edilmir", - nazirlikdən bildirilib.
Aprel ayında Koreya Poçtunun ("Korea Post") mütəxəssislərindən ibarət nümayəndə heyəti Bakıya səfər etmişdi. Nümayəndə heyəti Rabitə Nazirliyi və Azərpoçt Dövlət Müəssisəsi ilə hər iki tərəf üçün səmərəli olan əməkdaşlıq - poçt xidmətlərinin inkişafı, loqistik xidmətlərin, Azərpoçt Dövlət Müəssisəsnin poçt şəbəkəsində eklektron xidmətlərin tətbiqi üçün texniki yardım göstərilməsi, maliyyə xidmətlərinin göstərilməsində təcrübə mübadiləsi - məqsədilə görüşüb.
Rabitə Nazirliyindən bildirilib ki, koreyalılar birgə layihələrin, işlərin həyata keçirilməsində maraqlıdırlar və nazirlik onlardan əməkdaşlıq üzrə əlavə təkliflər gözləyir.
Məqalə müəllifi ilə əlaqə ünvanı: [email protected]