Azərbaycan, Bakı, 11 iyun / Trend , müxbir S.Babayeva /
Azərbaycanın Rabitə və İnformasiya Texnologiyaları Nazirliyi iyulda milli rabitə sputnikinin hazırlanması və buraxılması üzrə podratçını elan edəcək. Bu barədə cümə axşamı nazirlikdən bildirilib.
"Hazırda tender komissiyası çalışır və maraqlı şirkətlər tərəfindən verilən təkliflərin qiymətləndirməsi aparılır", - nazirlikdən bildirilib.
ABŞ, Rusiya və Fransadan beş şirkət ilk telekommunikasiya sputnikinin yaradılması və orbitə buraxılması üzrə tenderdə iştirak etmək üçün ərizə veriblər.
"Tender komissiyası hər üç yerə qalibləri müəyyən edəcək", - nazirlikdən bildirilib.
Beynəlxalq Elektron Rabitəsi Şurası (ITU) artıq sputnikin buraxılması üzrə Azərbaycan üçün üç orbit mövqeyi təqdim edib. Onlardan ikisi lokal, biri beynəlxalq mövqedir.
Sputniklərin buraxılması dövlət büdcəsi, eyni zamanda güzəştli kredit hesabına həyata keçiriləcək. İlk sputnikin 5-7 il müddətdən sonra qaytarılacaq güzəştli kredit hesabına buraxılması nəzərdə tutulub.
Rabitə sputnikinin buraxılışı layihəsinin məbləği 200 milyon dollar dəyərindədir.
Rabitə Nazirliyinin proqnozlarına əsasən, layihənin xərci sputnikin buraxılmasından etibarən beş il ərzində çıxarılacaq, növbəti 15 ildə isə Azərbaycana xeyli gəlir gətirəcək.
Dünya təcrübəsində rabitə sputnikinin hazırlanması iki il, onun buraxılması isə əlavə olaraq bir neçə ay çəkir.
Məqalə müəllifi ilə əlaqə ünvanı: [email protected]
