Azərbaycan, Bakı, 01 avqust / Trend , müxbir H.Vəliyev /
Sinqapur hökuməti azərbaycanlı mütəxəssislərə "İnformasiya texnologiyalarının strateji idarə olunması" təcrübəsində iştirak imkanını təqdim edir. Bu barədə Azərbaycanın Rabitə və İnformasiya Texnologiyaları Nazirliyi (RİTN) xəbər verir.
RİTN-in məlumatına əsasən, təcrübə 5-16 oktyabr tarixlərində Sinqapur Əməkdaşlıq Proqramı (SCPTA) çərçivəsində həyata keçirilir.
SCPTA-nın şərtlərinə görə, namizədlər (50 yaşdan yuxarı olmayan) iş təcrübəsinə və informasiya texnologiyaları üzrə müvafiq ixtisasa malik olmalı, ingilis dilini yüksək səviyyədə bilməlidirlər. İddiaçılar dövlət orqanları tərəfindən irəli sürülməlidirlər.
Məqalə müəllifi ilə əlaqə ünvanı: [email protected]
