Azərbaycan, Bakı, 23 noyabr /Trend, müxbir H.Vəliyev/
Azərbaycanın mobil rabitə operatoru Azercell şirkətinin billinq sisteminin manat tarifləşməsinə tam keçidi gələn ilin ikinci yarısında gözlənilir. Bu barədə çərşənbə axşamı "Azercell"in rəhbəri Əli Ağan deyib.
Bundan əvvəl Azərbaycan Rabitə və İnformasiya Texnologiyaları Nazirliyindən dedikləri kimi, manat tarifləşməsinə keçid operatorlardan billinq sistemlərində əsaslı dəyişikliklərin edilməsini tələb edir.
Bu günə Azərbaycan Rabitə və İnformasiya Texnologiyaları Nazirliyi tərəfindən ölkənin mobil rabitə operatorlarına billinq sistemlərinin manat tarifləşməsinə keçidi barədə göstəriş verilib. Nazirlik nümayəndələri və operatorlar bu istiqamətdə lazımi işləri görmək üçün qarşılıqlı fəaliyyət haqqında qərar qəbul edblər.
Azərbaycanda GSM standartları ilə üç mobil operatoru - Bakcell, Azercell və Azerfon fəaliyyət göstərir. Billinq sistemini tamamilə pul vahidləri ilə tarifləşdirən yeganə operator "Azerfon" MMC-dir. Bakcell və Azercell operatorları "pre-paid" abunəçilər üçün kontur sistemi tətbiq edirlər.