Azərbaycan, Bakı, 7 yanvar /Trend, müxbir H.Vəliyev/
Azərbaycanın SINAM İT şirkəti turizm sahəsində geoinformasiya sisteminin (GİS-sistem) yaradılması üzrə işləri başa çatdırır. Bu barədə SINAM şirkətinin biznesin inkişafı üzrə direktoru İslam Əhmədov cümə günü Trend-ə bildirib.
Əhmədovun sözlərinə görə, sistem yaxın bir neçə həftə ərzində tam fəaliyyətə başlayacaq.
SINAM sistemin yerləşdiriləcəyi İnternet-portalın yaradılması üzrə işləri də başa çatdırıb. Bu gün o, uğurla sınaqdan keçirilib.
Geoinformasiya layihəsi istifadəçilərə respublikanın elektron xəritəsində turizm obyektlərinin yerləşdiyi ərazilərin axtarışı və baxılması, respublika ərazisindəki turizm obyektləri və s. barədə informasiya almaq aləti təqdim edir.
Virtual baza məlumat bazası ilə işlər üzrə əməliyyatları tam virtuallaşmanın üstünlüklərilə birləşdirəcək. Layihənin əsas məqsədi informasiya sisteminin təqdim etdiyi imkanların bütün həcmindən hər gün istifadənin təmin olunmasından ibarətdir. Azərbaycanın Mədəniyyət və Turizm Nazirliyi layihənin sifarişçisi kimi çıxış edir.
Turizm sahəsi məkanca istiqamətlənmiş obyektlərlə sıx bağlıdır. Layihədə qlobal mövqe sistemi (Global Position System - GPS) fəaliyyət göstərəcək.
Bütün turizm obyektləri GPS sistemi ilə təchiz olunacaqlar ki, bu da onların yerləşdikləri yerin koordinatlarını dəqiq müəyyən etməyə imkan verəcək.
Bu gün GİS-sistemdən hərbi sahədə, ekologiya, kənd təsərrüfatı, tikinti, faydalı qazıntıların işlənməsi və hasilatı kimi sahələrdə istifadə olunur. Turizm sahəsində GİS-sistemin tətbiqi respublikanın ayrı-ayrı turizm və ekskursiya marşrutlarının cəlbediciliyini artıracaq.
