Azərbaycan, Bakı, 10 fevral /Trend, müxbir H.Vəliyev/
Azərbaycan Kabel Operatorları Assosiasiyası (AKOA) ona üzvlüklə bağlı təkliflər hazırlayır. Bu barədə cümə axşamı Trend-ə assosiasiyanın icraçı direktoru Əli Əliyev deyib.
Əliyevin sözlərinə görə, təkliflərdə şərtlər, eləcə də AKOA-nın Azərbaycanın kabel televiziyası bazarının oyunçularına verdiyi üstünlüklər aydın şəkildə göstəriləcək.
"Bu, öz-özlüyündə hazırlanması lazım olan və tərəfimizdən təklif ediləcək ictimai siyasətdir. Öncədən AKOA yaradılarkən onun sıralarına kabel televiziyası bazarının oyunçularının daxil edilməsinin nə verəcəyi ilə bağlı konkret təkliflər olmayıb. Bununla belə, bazarın bu seqmentində təbii ki, öz maraqları olan özəl şirkətlər təmsil olunub. Bizim artıq bu ayın sonuna açıqlamağı planlaşdırdığımız təkliflərimiz ümumi maraqlardan irəli gələcək. Bu, nəticədə AKOA-ya yeni üzvlərin cəlb edilməsinə xidmət edə biləcək", - Əliyev əlavə edib.
AKOA-nın icraçı direktorunun sözlərinə görə, perspektivdə Azərbaycan Kabel Operatorları Assosiasiyasına İnternet servis-provayderlərin, bank sektorunun iştirakçılarının, avadanlıq istehsalçılarının və s. cəlb edilməsi planlaşdırılır. Onlardan hər biri nəticədə Avropanın kabel televiziyası sisteminə inteqrasiya etmək üçün ümumi işə öz töhfəsini verə bilər.