Azərbaycan, Bakı, 27 avqust /Trend, müxbir H.Vəliyev/
Gəncə telekommunikasiya qovşağının nömrə tutumunun 60 faizə yaxını NGN texnologiyasına keçirilib. Bu barədə Trend-ə şənbə günü Azərbaycan Rabitə və İnformasiya Texnologiyaları Nazirliyinin "Aztelekom" İstehsalat Birliyindən deyiblər.
Hazırda operator tərəfindən Sevinc və Qırmızı kənd qəsəbələrində 53/59 saylı iki mini ATS-in nömrə tutumunun NGN texnologiyasına köçürülməsi üzrə işlər aparılır. Bu işlər yaxın vaxtlarda başa çatmalıdır.
Gəncə telekommunikasiya qovşağı üzrə NGN texnologiyasını dəstəkləyən nömrələrin ümumi sayı 42 min ədəddir.
NGN-in tətbiqi istehsalat birliyinin prioritet vəzifələrindən biridir. Operator onun köməyi ilə uzunmüddətli perspektivdə yeni xidmətlər seqmentinin artımının dəstəklənməsinə nail olmağa çalışır. Regional telefon şəbəkələrinin NGN texnologiyasına keçidi operatopa telefon şəbəkələrinin nömrə tutumunu artırmaqla yanaşı, rabitənin ənənəvi xidmətləri ilə birlikdə IP-telefoniya, genişzolaqlı internet və IP-TV kimi xidmətləri də göstərməyə imkan verir.
