Azərbaycan, Bakı, 21 dekabr /Trend, müxbir H.Vəliyev/
Fransanın "Arianspace" şirkəti Azərbaycanın ilk milli peyki "Azerspace/Africasat-1"in orbitə buraxılacağı tarixi açıqlayıb. Trend-in məlumatına görə, bu barədə cümə günü şirkətin məlumatında deyilir.
Məlumatda deyildiyi kimi, peykin orbitə buraxılması fevralın birinci həftəsinə planlaşdırılıb.
Peyk Cənubi Amerikanın şimal-şərqində, Fransa Qvianasında yerləşən Kuru kosmodromundan (Qviana kosmik mərkəzi) Ariane 5 ECA raketdaşıyıcısının bazasında orbitə buraxılacaq.
"Arianspace"in məlumatına görə, Ariane 5 ECA "Azerspace"lə yanaşı, İspaniyanın "Amazonas-3" rabitə peykini də orbitə buraxacaq.
