Azərbaycan, Bakı, 5 iyun /Trend, müxbir H.Vəliyev/
Azərbaycanda qeydiyyata alınan radioelektron vasitələrin ümumi sayı 40 794 ədəd təşkil edir. Trend-in məlumatına görə, bu barədə çərşənbə günü Dövlət Radiotezliklər İdarəsinin (DRİ) yaydığı məlumatda deyilir.
Məlumatda bildirlir ki, bu ilin yanvar-may ayları ərzində idarə tərəfindən 2245 ədəd radioelektron vasitə qeydiyyata alınıb.
DRİ-də 361 radiotezlik istifadəçisi (müəssisə, idarə, təşkilat və fiziki şəxslər) qeydiyyatdadır. Onlardan 67 istifadəçi dövlət, 243 istifadəçi kommersiya, 23 istifadəçi xarici təşkilat, 28 istifadəçi isə fiziki şəxsdir.