...

.az domenində Azərbaycan saytlarının sayı il ərzində 10 faiz artıb

Telekommunikasiya Materials 3 İyul 2013 10:53 (UTC +04:00)

Trend-i buradan izləyin

Azərbaycan, Bakı, 3 iyul /Trend, müxbir H.Vəliyev/

.az milli domen zonasında bu gün 17957 ədəd internet-resurs qeydə alınıb. Bu barədə çərşənbə günü WHOIS saytı məlumat yayıb.

Bu ilin ilk yarımilliyinin yekunlarına görə, .az milli domen zonasında qeydə alınan internet-resurslarının artımı 10 faiz təşkil edib.

Qeydə alınan saytların ümumi sayından 16762 ədədi domendə birinci səviyyəli qeydə alınan resursların payına düşür. İkinci səviyyəli daha populyar domen .com.az-dır. Orada 705 sayt qeydə alınıb.

Populyarlığına görə üçüncü yeri .edu.az tutur. Orada 169 internet saytı qeydə alınıb.

Statistikaya əsasən, dünyada aktiv domen adların ümumi sayı (iyulun 3-nə olan vəziyyətə görə) 145,7 milyon ədədi ötür. Daha sıx zona .com hesab edilir. Orada 109,4 milyon internet-resurs aktivdir. İkinci yerdə .net-dir. Onun domenində 15,1 milyon aktiv ad var. Üçüncü yerdə .org-dur. Orada 10,3 milyon sayt var.

Qeyd edək ki, .az milli zonası rəsmi olaraq 1993-cü il avqustun 25-dən fəaliyyətə başlayıb. .az domenində qeydiyyatın dəyəri 20 manatdır. Domenin illik texniki dəstəyi də bir o qədər məbləğə başa gəlir.

Məqalədə:
Xəbər lenti

Xəbər lenti