Azərbaycan, Bakı, 5 avqust/Trend, müxbir H. Vəliyev/
"Turanbank" ASC "Goldenpay" şirkətinin onlayn ödəmə sisteminə qoşulub. Şirkətdən bazar ertəsi Trend-ə verilən məlumata görə, indi bankın saytı (www.turanbank.az), həmçinin Azərbaycanın ən böyük online xidmətlər portalı olan Hesab.az (www.hesab.az) vasitəsi ilə "Turanbank" ASC-in müştəriləri kreditlərini ödəmək imkanı əldə edir.
Online ödəniş sisteminin üstünlüyü, ilk növbədə müştərilər üçün rahatlığın nəzərdə tutulmasıdır, belə ki, bu xidmətdən istifadə edərək, bankın ofisinə getmək zərurəti yaranmır.
İstənilən bankın Visa və MasterCard kartlarının sahibləri bankın kreditlərini ödəmək üçün "TuranBank" ASC-nin rəsmi səhifəsinin "Kredit odənişləri" bölməsində həyata keçirə bilərlər.
Bank kreditlərini Hesab.az portalı vasitəsi ilə ö həyata keçirmək üçün isə istifadəçilər "Banklar və lizinq" bölməsinə daxil olaraq, "TuranBank" ASC-ni seçdikdən sonra, kredit məlumatlarını əlavə edib, ödənişlərini həyata keçirə bilərlər.
Bu məlumat "Şəxsi kabinet"ə bir dəfə əlavə olunacaq və hər dəfə odəniş etdikdə, məlumatları yenidən daxil etmək ehtiyacı yaranmayacaq. Portalda həyata keçirilən ödənişlərin hər 0.10 manatı, hesab.az istifadəçilərinə 1 bonus qazandırır. Bu bonuslar vasitəsi ilə onlar Goldenpay şirkətindən hədiyyələr əldə etmək imkanı qazanırlar.
Ödənişlər barədə bütün məlumatlar istifadəçinin "Şəxsi kabinetində" saxlanılır. Yaxın vaxtlarda hesab.az portalında plastik kartların məlumatlarını saxlama imkanı yaranacaq ki, bu da istifadəçilərə ödənişləri avtomatik həyata keçirməyə imkan yaradacaq.
Bundan başqa, hesab.az portalına digər bankların da qoşulması nəzərdə tutulub. Bu günədək "Goldenpay" ödəmə sisteminə 300-ə yaxın şirkət qoşulmuşdur. Sistem fəaliyyət göstərmək üçün Visa İnternational və MasterCard-dan xüsusi lisenziyalara sahibdir.
