Azərbaycan, Bakı, 20 avqust /Trend, müxbir Hüseyn Vəliyev/
Rabitə və Yüksək Texnologiyalar Nazirliyinin Elektron Təhlükəsizlik Mərkəzi "Facebook" sosial şəbəkəsindən düzgün və təhlükəsizlik istifadə etmək üçün dərslik hazırlayıb və Mərkəzin mütəxəssislərinin dəstəyi ilə yazılmış müvafiq dərsliyin buraxılışına başlayıb. Bunu çərşənbə günü Trend-ə Elektron Təhlükəsizlik Mərkəzindən deyiblər.
Qeyd edilən dərslik kitabça şəklində nəşr ediləcək. Bundan başqa, dərsliklə Mərkəzin saytında (cert.az) da tanış olamq olar.
Mərkəzdən bildiriblər ki, dərslik təcrübəsiz internet istifadəçiləri üçün nəzərdə tutulub. Dərslikdə fırıldaqçı və hakerlərdən qorunma metodları, akkauntun oğurlanmasının qarşısının alınması, saxta akkauntlarla mübarizə və s. barədə məlumat verilir.
