Azərbaycanın Rabitə və informasiya texnologiyaları nazirliyinin mütəxəssisləri Rabitə sahəsində Regional Birlik (RRB) nümayəndələri üçün keçiriləcək beynəlxalq seminarda iştirak edəcək. Nazirlikdən Trend ə verilən məlumata görə, "Poçt rabitə xidmətləri sahəsində xərclərin ayrıca uçotu haqqında" seminar mayın 16-17-də Minskdə keçiriləcək.
Seminarda Azərbaycandan Azərpoçt DM-in iki nümayəndəsi iştirak edəcək.
RRB 1991-ci ilin dekabrında Moskvada müstəqil dövlətlərin rabitə administrasiyasının rəhbərləri tərəfindən yaradılıb. RRB-nin - yeni müstəqil dövlətlərin elektrik və poçt rabitəsi sahəsində könüllü surətdə, qarşılıqlı hörmət və müstəqillik prinsipləri əsasında əməkdaşlığı məqsədilə təşkilatın yaradılmasına dair saziş imzalanıb.