Azərbaycan, Bakı / Trend müxbir S.Babayeva/ Rusiyanın "CTC Media" şirkəti Rusiyada və xaricdə aktivlərin alınmasında maraqlıdır. Bu barədə "CTC Media" şirkətinin baş direktoru Aleksandr Rodnyanski məlumat verib. Ehtimal olunan bazarlar arasında Azərbaycan, Ukrayna və Qazaxıstanın adı çəkilir.
CTC Media Inc. Rusiyanın CTC və "Ev" telekanallarının sahibidir. CTC Media şirkətinin ən böyük səhmdarları İsveçin Modern Times Group (39,8%), "Alfa-qrupp" (26,49%), Baring Vostok fondları (9,99%), Fidelity Investments (5,4%) və şirkətin başçısı Aleksandr Rodnyanskidir (4%).
Şirkət proqnozlaşdırır ki, 2007-ci ildə mədaxil 460-500 mln. ABŞ dolları səviyyəsində olacaq, bu isə 2006-cı illə müqayisədə 24-35% artım deməkdir. Şirkət öz şəbəkələrinin genişləndirilməsini və Rusiyanın telereklam bazarından mənfəət əldə etməkdə davam edəcək. Ekspertlərin gözləntilərinə görə, mənfəət daha 25-30% artacaq.