Gürcüstan, Tbilisi, 18 may /Trend, müxbir N.Kirsxaliya/
Gürcü tərəfinin dəvəti ilə Tbilisiyə İranın xarici işlər nazirinin müavini, nazirliyin mətbuat katibi Ramin Mehmanpərəstin başçılığı ilə İran mediasının nümayəndə heyəti səfər edəcək.
Nümayəndə heyəti sabah gələcək.
Gürcüstan XİN-nin rəsmi şəxsləri ilə görüşlər planlaşdırılıb. Media sahəsində əməkdaşlığa dair qarşılıqlı anlaşma memorandumu imzalanacaq. Eləcə də birgə "dəyirmi masa"nın keçirilməsi planlaşdırılıb.
Nümayəndə heyətinin tərkibinə Dövlət Teleradio Yayımının, "Press TV" teleşirkətinin, IRNA, ILNA, FARS, MEHRI informasiya agentliklərinin, "Soruş" nəşriyyatının, "İran" və "Camecam" qəzetlərinin jurnalistləri daxildir.