Azərbaycan, Bakı, 18 may / Trend, müxbir A.Tağıyeva /
Türkiyə hakimiyyəti Suriya rəhbərliyinin terrorçu PKK-nın şəhər qanadı olan Kürd Cəmiyyətləri İttifaqına (KCİ) dəstək göstərdiyini təsdiqləyən faktlara malikdir. Belə bir bəyanatla Türkiyənin daxili işlər naziri İdris Naim Şahin çıxış edib. Trend-in məlumatına görə, bu barədə TRT Haber telekanalı məlumat verib.
"Biz Dəməşqin Türkiyədə, xüsusilə Suriya sərhədinə yaxın olan regionlarda terroru dəstəkləməsi barədə sübutlara malikik", - Şahin deyib.
Nazir onu da qeyd edib ki, Türkiyə Suriya sərhədinə nəzarət edir və Suriyadan olan terrorçulara Türkiyə ərazisinə keçməyə imkan vermir.