Azərbaycan, Bakı, 31 iyul /Trend, müxbir A.Tağıyeva/
Suriya müxalifətinin nümayəndələri Heysam əl-Malihin başçılığı altında keçid hökumətinin yaradılmasını elan etmək üçün bu gün Qahirədə toplaşacaqlar. Bu barədə Trend çərşənbə axşamı "Əl-Ərəbiyyə" telekanalına istinadən məlumat verir.
Məlumata əsasən, yeni hökumətə Suriya müxalifətinin bütün tərəfləri, o cümlədən "Müsəlman qardaşları" təşkilatının üzvləri daxil olacaqlar.
Keçid hökumətinin tərkibinə yüksəkrütbəli hərbiçilər və inqilabın həyata keçirilməsində daha fəal iştirak edənlər də daxil olacaqlar.