Azərbaycam, Bakı, 11 fevral /Trend/
Yerevanın Mərkəzi Nork Maraş icmasının ümumi yurisdiksiyasının qapalı məhkəmə iclasında hakim Qayan Karaxanyan Ermənistanın MTX-nin istintaq orqanının xahişini təmin edib. Beləliklə, Ermənistan prezidentliyinə namizəd Paruyr Hayrikyana sui-qəsd törətməkdə şübhəli bilinən Xaçatur Poqosyan və Samvel Arutyunyan barəsində iki aylıq həbs qətimkan tədbiri seçilib.
Trend-in məlumatına görə, bu barədə "PanARMENIAN.Net" saytı xəbər verir.
Qeyd edək ki, Fevralın 7-də Ermənistanın Milli Təhlükəsizliyi Xidməti tərəfindən keçirilmiş operativ-axtarış tədbirləri nəticəsində Ermənistan prezidentliyinə namizəd Paruyr Hayrikyana sui-qəsdin cəhdində şübhəli bilinən Yerevanda qeyri-leqal yaşayan, heç bir konkret məşğuliyyəti olmayan, narkotiklərin qanunsuz dövriyyəsinə görə bundan əvvəl mühakimə olunmuş 1966-cı il təvəllüdlü Xaçatur Poqosyan və 1972-ci il təvəllüdlü Samvel Artünyan saxlanılıb.
Xatırladaq ki, bazar günü Ermənistan prezidentliyinə namizəd Paruyr Hayrikyan seçkilərin 2 həftə təxirə salınması xahişi ilə Konstitusiya Məhkəməsinə müraciət edib.