Azərbaycan, Bakı, 17 sentyabr /Trend, müxbir T.Cəfərov/
İranın xarici işlər naziri Məhəmməd Cavad Zərif bü gün axşam Nyu-Yorka gedəcək. Trend-in məlumatına görə, bu barədə MEHR xəbər agentliyi məlumat verir.
Məlumata əsasən, Zərif Nyu-Yorka səfəri zamanı BMT Baş Məclisinin növbəti sessiyasında iştirak etməklə yanaşı həm də Avropa İttifaqının xarici siyasət idarəsinin rəhbəri Ketrin Eşton və nüvə müzakirələrində iştirak edən "5+1" ölkələrinin (Rusiya, ABŞ, Çin, Böyük Britaniya, Fransa və Almaniya) nümayəndələri ilə müzakirələr aparacaq.
Qeyd edək ki, İran Prezidenti Həsən Ruhaninin də sentyabrın sonlarında Nyu-Yorka səfəri gözlənilir. O, BMT Baş Məclisinin iclasında iştirak edəcək.