Azərbaycan, Bakı, 22 yanvar /Trend/
ABŞ dövlət katibi Con Kerri Suriya üzrə "Cenevrə-2" sülh konfransının açılışında bəyan edib ki, Bəşər Əsəd Suriyada keçid hökumətinin tərkibinə daxil olmamalıdır. Bu barədə Trend Rusiya KİV-nə istinadən xəbər verir .
Kerri deyib: "[Böhrandan] yeganə çıxış keçid hökumətinin yaradılmasını müzakirə etməkdir. Biz baş verənlərə real yanaşmalıyıq. Keçid hökumətinə tərəflərdən birini qane etməyən şəxs daxil olmamalıdır. Ona görə də Bəşər Əsəd bu keçid hökumətinin üzvü ola bilməz".