Azərbaycan, Bakı, 15 aprel /Trend/
İspaniyanın "Barselona" futbol klubu Lozannadakı İdman Arbitraj Məhkəməsinə (İAM) şikayət etmək niyyətindədir. Trend-in məlumatına görə, xəbəri İTAR-TASS yerli KİV-ə istinadən yayıb.
Katalonların şikayəti Beynəlxalq Futbol Assosiasiyaları Federasiyasının (FIFA) komandaya yeni futbolçuların qeydiyyatına qoyduğu qadağa ilə bağlıdır.
FIFA "Barselona"ya iki transfer pəncərəsi dövründə yeni oyunçuların qeydiyyatını qadağan edib.