Azərbaycan, Bakı, 26 oktyabr /Trend/
Pakistanda episentri Əfqanıstanda olan zəlzələ nəticəsində ölənlərin sayı 20-yə çatıb.
Trend-in RİA Novosti-yə istinadən verdiyi məlumata əsasən, Əfqanıstanda zəlzələ qurbanlarının sayı isə 21 nəfərdir, təqribən 100 nəfər xəsarət alıb.
Qeyd edək ki, bu gün Əfqanıstanda 7,5 bal gücündə zəlzələ qeydə alınıb. Yeraltı təkanlar Pakistan, Hindistan, Qırğızıstan, Tacikistan, Azərbaycan və Qazaxıstanda hiss edilib.