Azərbaycan, Bakı, 6 noyabr /Trend, müxbir Təmkin Cəfərov/
Mərakeş İranla 6 il öncə kəsilmiş diplomatik əlaqələrini yenidən bərpa edir. Bunu Mərakeşin xarici işlər naziri Səlahəddin Mizvar deyib. Trend-in məlumatına görə, bu barədə İranın MEHR agentliyi məlumat verib.
S.Mizvar deyib ki, tezliklə Mərakeş öz səfirini İrana göndərəcək.
Qeyd edək ki, 2008-ci ildə Mərakeş XİN-i bəyanat yayaraq İranın bu ölkədəki səfirliyini Mərakeş krallığına qarşı çevriliş etməkdə ittiham etmişdi və bu ölkənin səfirliyini bağlamışdı. Mərakeş həmçinin, İranı Bəhreyndəki hadisələrə görə tənqid etmişdi.
İran 2014-cü ildə Mərakeşlə münasibətlərini yaxşılaşdırmaq məqsədi ilə bu ölkədəki səfirliyinin fəaliyyətini bərpa edib.