Bakı. Trend:
Vyetnamda göyərtəsində 41 turist olan gəzinti gəmisi çevrilib.
Trend-in RİA Novosti-yə istinadən verdiyi məlumata əsasən, hadisə şənbə günü yerli vaxtla 20:35-də gəminin sahildən təzəcə ayrıldığı anda baş verib.
Sərnişinlərin bəziləri sahilə üzərək çatıblar, bəzilərinə quruya çıxmağa kömək ediblər. Hakimiyyət xilasetmə əməliyyatına başlayıb.
Yerli nəqliyyat idarəsinin nümayəndəsinin sözlərinə görə, gəmi sahiblərinin turist reyslərinin həyata keçirilməsinə icazəsi olmayıb.