Bakı. Trend:
Şotlandiyanın Böyük Britaniyadan ayrılması haqqında yenidən referendum keçirməsi ehtimalı böyükdür.
Trend-in RİA Novosti-yə istinadən verdiyi məlumata görə, bunu Şotlandiyanın birinci naziri xanım Nikola Stercen deyib.
Onun sözlərinə görə, britaniyalılar Avropa İttifaqından çıxmağın lehinə səs verdikdən sonra referendum məsələsi gündəmdə olmalıdır: "Şotlandiyanın öz iradəsi olmadan Aİ-nin tərkibindən çıxarılması demokratik baxımdan qəbul edilə bilməz".
Xatırladaq ki, iyunun 23-də keçirilən referendumda Böyük Britaniyada Aİ-dən çıxmağa (Brexit) səs verənlərin sayı çoxluq təşkil edib. Referendumda iştirak edənlərin 52 faizi Birləşmiş Krallığın Aİ-ni tərk etməsini istəyib.