Bakı. Trend:
Zimbabvenin keçmiş vitse-prezidneti Emmerson Mnanqaqva ölkə paytaxtı Harareyə gəlib. Trend-in məlumatına görə, yaxın saatlarda onun paytaxt stadionunda prezident olaraq andiçmə mərasimi keçiriləcək.
Qeyd edək ki, əvvəlki prezident Robert Muqabe onu vəzifəsindən kənarlaşdırmışdı.
Xatırladaq ki, noyabrın 14-də axşam saatlarında hərbçilər ölkədə əsas obyektləri nəzarət altına almışdılar. Növbəti gün isə Muqabe və onun xanımı Qreys saxlanılmışdı. Muqabe daha öncə seçkilərin keçirilməsini tələb etsə də, sonra istefa verməyə razılaşıb.