...

Ruhani: ABŞ müzakirələr aparmalı olduğu şəxsə sanksiya tətbiq edib

Dünya xəbərləri Materials 1 Avqust 2019 12:28 (UTC +04:00)
ABŞ İranla müzakirəyə hazır olduğunu bildirsə də, müzakirə aparacaq şəxsə, İranın xarici işlər nazirinə sanksiyalar tətbiq edib.
Ruhani: ABŞ müzakirələr aparmalı olduğu şəxsə sanksiya tətbiq edib

Trend-i buradan izləyin

Bakı. Elnur Bağışov - Trend:

ABŞ İranla müzakirəyə hazır olduğunu bildirsə də, müzakirə aparacaq şəxsə, İranın xarici işlər nazirinə sanksiyalar tətbiq edib.

Trend-in məlumatına görə, bunu İran Prezidenti Həsən Ruhani Şərqi Azərbaycan vilayətinin Təbriz şəhərində deyib.

H.Ruhaninin sözlərinə görə, bir ölkə ilə müzakirə aparmaq üçün həmin ölkənin xarici diplomatiya idarəsinin rəhbəri ilə danışıqlar olmalıdır: "Halbuki, ABŞ İranın Xarici işlər nazirinə sanksiyalar tətbiq edib. Sanksiyaların İrana zərəri olsa da, xeyri də olacaq. Lakin sanksiya tətbiq edənlər üçün zərərdən başqa heç bir faydası olmayacaq”.

İran prezidenti bildirib ki, sanksiyalar şəraitində İranın özünə arxalanaraq önəmli inkişaflar əldə etməsinə imkan yaranır.

Qeyd edək ki, ABŞ İranın xarici işlər naziri Məhəmməd Cavad Zərifə sanksiyaların tətbiq olunduğunu elan edib.

Məqalədə:
Xəbər lenti

Xəbər lenti