Bakı. Trend:
Türkiyə İranla sərhəd keçid məntəqələrini müvəqqəti olaraq bağlayıb.
Trend-in məlumatına görə, bu barədə Türkiyənin Səhiyyə naziri Fahrettin Koca bildirib.
F.Koca qeyd edib ki, bu gün saat 17:00-dan İrandan ölkəyə gedən yol və dəmir yolu keçidləri bağlanılıb:
"Bütün beynəlxalq uçuşlar birtərəfli və müvəqqəti olaraq dayandırıldı, yəni İrandan Türkiyəyə olan gediş-gəlişlər dayandırılıb. Türkiyədən İrana gedişlər isə davam edəcək".
Səhiyyə naziri, həmçinin bildirib ki, İran və Türkiyə arasında təyyarə uçuşları isə bu gün saat 20.00-dan dayandırılır və Türkiyə İrandan təyyarə qəbul etməyəcək.
Qeyd edək ki, Daxili İşlər Nazirliyinin qərarı ilə Türkiyə-İran sərhədi koronavirus təhlükəsi səbəbindən bağlanılıb.
Türkiyədən başqa, İraq, Pakistan, Türkmənistan da İranla sərhədini bağlamışdı.