Bakı. Trend:
Vaşinqton hesab edir ki, İrana qarşı silah embarqosu müddətsiz olmalıdır.
Trend-in "TASS"a istinadən verdiyi məlumata görə, bunu ABŞ-ın İran üzrə xüsusi nümayəndəsi Brayan Huk videoəlaqə vasitəsi ilə Xarici Əlaqələr üzrə Şuranın mütəxəssisləri qarşısında çıxışı zamanı deyib.
B.Huk bildirib: "İranın hərəkətlərini nəzərə alaraq hesab edirik ki, düzgün yanaşma embarqonun bitəcəyi vaxtın müəyyən edilməməsidir".
Xatırladaq ki, may ayında ABŞ-ın BMT yanında daimi nümayəndəliyi BMT Təhlükəsizlik Şurası tərəfindən İrana qarşı sanksiyalar vasitəsi ilə təzyiqin gücləndirilməsinin zəruriliyi barədə bəyanat yayıb. Bəyanatda həmçinin bildirilir ki, ABŞ İrana qarşı oktyabrın 18-i bitəcək silah embarqosunun müddətinin uzadılmasına nail olmaq niyyətindədir.