Bakı. Trend:
Şri-Lankada baş vermiş kütləvi etiraz aksiyalarında bir polis əməkdaşı həlak olub, 200-dən çox şəxs yaralanıb.
Trend-in məlumatına görə, polis əməkdaşı yanında gözyaşardıcı qumbaranın partlamasından sonra xəstəxanada həyatını itirib.
Qeyd olunur ki, aksiyalarda xəsarət alanların sayı 210 nəfərə çatıb.
Xatırladaq ki, Şri-Lankada etiraz aksiyaları ötən gün baş nazir Mahinda Racapaksanın istefa verməsindən sonra başlayıb. Hökumətin istefası Şri-Lankada davam edən dərin iqtisadi böhran fonunda baş verib.
Ölkədə komendant saatının müddəti mayın 11-dək uzadılıb.