Bakı. Trend:
Türkiyənin milli müdafiə naziri Hulusi Akar Praqada Çexiyanın baş naziri Petr Fiala ilə görüşüb.
Trend-in məlumatına görə, danışıqlar zamanı H.Akar iki ölkə arasında ilk növbədə müdafiə sənayesi və hərbi təhsil sahəsində əməkdaşlığın inkişaf etdirilməsinin vacibliyini vurğulayıb.
Türkiyəli nazir Çexiyanın aparıcı müdafiə müəssisələrindən olan "Omnipol"da olub. Naziri Türkiyənin Praqadakı səfiri Egemen Bağış müşayiət edib.