Bakı. Trend:
Kriptovalyuta sektoru ilə yaxından maraqlanan bir çox ölkə bu sahədə işlərini təkmilləşdirmək üçün irili-xırdalı ortaqlıqlar qurur. Birləşmiş Ərəb Əmirliklərinin Mərkəzi Bankı və Honkonq Valyuta Təşkilatı rəqəmsal aktivlərin tənzimlənməsi və inkişafı da daxil olmaqla üç əsas sahədə əməkdaşlığı gücləndirmək barədə razılığa gəliblər.
Trend-in məlumatına görə, müzakirələr zamanı kripto tənzimləmələrində birliyin gücləndirilməsi qərara alınıb.
Bu əməkdaşlığa əlavə olaraq, iki ölkənin mərkəzi bankları hər bir regionun müvafiq innovasiya mərkəzləri ilə birgə fintech inkişaf təşəbbüslərinin asanlaşdırılacağını da vurğulayıblar.
İki ölkə arasında maliyyə infrastrukturu və maliyyə bazarı əlaqələri də müzakirə olunan əsas məqamlar kimi qeyd edilib. HKMA-nın baş direktoru Eddie Yue, əlaqələrin bir çox tamamlayıcı güclü tərəfləri və qarşılıqlı maraqları bölüşdüyü üçün hər iki yurisdiksiyaya iqtisadi fayda verəcəyini söyləyib.