Bakı. Trend:
Cənubi Koreya Asiya-Sakit Okean regionunda ikinci ən böyük ticarət tərəfdaşımızdır.
Trend TurkicWorld-a istinadən xəbər verir ki, bu barədə Türkiyə Xarici İşlər naziri Hakan Fidan Cənubi Koreyanın xarici işlər naziri Park Jin ilə keçirilən mətbuat konfransı zamanı deyib.
“Qərb dünyası mərkəzi mövqeyini itirərkən dünya siyasətinin ağırlıq mərkəzinin şərqə doğru dəyişdiyini görürük” – deyə nazir qeyd edib.
Fidan bildirib ki, bu gün imzalanan “Dinamik Türkiyə-Koreya Münasibətləri üçün Yol Xəritəsi” ortaq iradənin göstəricisidir.
Konfrans zamanı Cənubi Koreyanın Kahramanmaraş, Antakya, Malatya və İskenderunda dörd müvəqqəti mənzil layihəsi həyata keçirdiyi və İskenderun Koreya rayonunun açılışının keçən həftə gerçəkləşdirildiyi vurğulanıb.
"Biz Koreyanı 'Yenidən Asiya' təşəbbüsümüz çərçivəsində əhəmiyyətli bir tərəfdaş olaraq görürük. Cənubi Koreya ilə ikitərəfli ticarətimiz davamlı olaraq artır. 2022-ci ildə bu say 10 milyard dollara çatıb, Məqsədimiz balanslı ticarət əlaqələri əsasında 15 milyard dollara çatmaqdır” – deyə Hakan Fidan qeyd edib.