Bakı. Trend:
Almaniyanın Bavariya federal əyalətində yerləşən Bamberq şəhərindəki oteldə yanğın baş verib.
Trend xəbər verir ki, baş vermiş yanğın nəticəsində azı 11 nəfər xəsarət alıb.
Məlumata əsasən, xəsarət alanların üçü xəstəxanaya yerləşdirilib. Onlardan birinin vəziyyəti ağırdır.
Hazırda 70-ə yaxın müştərinin yerləşdiyi oteldə otaqların yaşayış üçün yararlılığı yoxlanılır. Otel növbəti xəbərdarlığa qədər boşaldılıb.