Bakı. Trend:
Çin Xalq Azadlıq Ordusunun Şərq Döyüş Komandanlığı Tayvan boğazında və adanın şimalında, cənubunda və şərqində ordu, donanma, hava qüvvələri və raket qüvvələrinin iştirakı ilə "Birgə kəskin qılınc 2024B" təliminə başlayıb.
Trend-in məlumatına görə, bu barədə Komandalığın nümayəndəsi Li Si deyib.
"Təlimlər Tayvanın müstəqilliyinə can atan separatçı qüvvələrə qarşı güclü maneədir və milli suverenliyi qorumaq və millətin birliyini qorumaq üçün ağlabatan və zəruri addımdır", - deyə o bildirib.
Komandanlıq nümayəndəsinin sözlərinə görə, manevrlər çərçivəsində hərbi-dəniz və hərbi-hava qüvvələri birgə patrul xidməti, “əsas liman və ərazilərin blokadası və nəzarəti, dəniz və quru hədəflərinə zərbələr endirmək və hərtərəfli nəzarəti ələ keçirmək” məşqini həyata keçirəcəklər.