Bakı. Trend:
İsrailin Qəzzada hündürmərtəbəli binaya endirdiyi aviazərbə nəticəsində aralarında azyaşlılar olmaqla azı 29 nəfər həyatını itirib.
Trend xəbər verir ki, bu barədə xarici KİV-lər məlumat yayıb.
HƏMAS-a tabe olan Mülki Müdafiə agentliyinin məlumatına görə, döyüş təyyarələri Həvaşi məscidi yaxınlığında olan ərazini hədəfə alıb.
İsrail ordusu hava reydləri zamanı hücum əməliyyatlarına cavabdeh olan “yüksək vəzifəli HƏMAS terrorçusunun” öldürüldüyünü bildirib.